लुटेरा समूहद्धारा एक महिलाको क्रुरतापूर्वक हत्या

   चितवन । लुटेरा समूहको आक्रमणमा परी चितवनमा एक महिलाको ज्यान गएको छ । पूर्वी चितवनको राप्ती नगरपालिका–६ मुडाभारमा गए राति धारीलो हतियार प्रयोग गरी एक महिलाको हत्या भएको हाे । लुटेरा समूहले स्थानिय लोथर उपभोक्ता समितिका अध्यक्ष पुर्णबहादुर थापाकी श्रीमती रुपा थापाको लुटेरा समूहले हत्या गरेको स्थानिय केदार आचार्यले बताएका छन् । चितवन प्रहरी घटना स्थल पुगरे अनुसन्धान शुरु गरेको चितवन प्रहरी प्रवक्ता दुर्गा रेग्मीले जानकारी गराएका छन् । प्रहरी नायब उपरीक्षक दुर्गाराज रेग्मीले घटनाको वास्तविक विवरण आउन बाँकी रहेको बताए । घरमा १४ वर्षीय बालकसँगै रहेकी थापाको क्रुरतापूर्वक हत्या गरिएको बताइएको छ ।