सुनिल थापा भन्छन्ः 'रणवीर' को स्तर बलिउड बराबरको हो

 

 काठमाडौं । माया, मित्रता र बदलाको भाव प्रस्तुती ले भरिपूर्ण, फिल्म ‘रणवीर’ गएको शुक्रबार देखि प्रदर्शनमा आएको छ । यतीबेला फिल्म ‘रणवीर’ लाई राम्रो प्रतिक्रिया पनि मिलिरहेको छ ।

गोविन्द सिंह भण्डारीको लेखन तथा निर्देशन रहेको रणवीर लाई हेर्ने जतिले साउथ इण्डियन फिल्मसँग तुलना गरेका छन । फिल्मलाई फिल्मकर्मी तथा मिडियाकर्मीको पनि निकै तारिफ मिलिरह्दा नै सुनिल थापाले पनि दिल खोलेर तारिफ गरे । प्रिमियरमा फिल्म हेरेका सुनिलले फिल्मको स्तर बलिउड बराबरको रहेको बताए ।

‘फिल्म निकै राम्रो बनेको छ, यो बलिउडको ए ग्रेडको फिल्म झैँ लाग्छ’ उनले भने ‘फिल्म हेर्नुस र फिल्मको बारेमा बोल्नुस, यस्ता फिल्मले हाम्रो स्तर बढाउछ ।’ उनले पछिल्लो समय बलिउडको स्पोर्ट्स ड्रामा ‘मेरिकोम’ मा काम गरेका थिए । फिल्ममा सुशील सिटौला, प्रशान्त ताम्राकार , सुवेक्षा खड्का, सुपुष्पा भट्ट, टिका पहाडी, नरेश पौडेल, रवी गिरी, भोलाराज सापकोटा, हरिहर शर्मा, जीवन भट्टराई, भोलाराज सापकोटा, शैलेश्वरी सिंह, जगदीश रिजाल, बसन्ती भट्ट लगायतको अभिनय रहेको छ ।

फिल्मलाई प्राची फिल्म्स र डिआर फिल्मको ब्यानरमा गोमा बिस्ट थापा र दिपेन्द्र रेग्मीले संयुक्त रुपमा निर्माण गरेका हुन् । यसमा कथा, पटकथा, संवाद तथा निर्देशन गोविन्द सिंह भण्डारीको रहेको छ । फिल्ममा महेश पौडेलको छायांकन, कृष्ण भण्डारीको सम्पादन, चन्द्र पन्तको द्वन्द, रामजी लामिछाने, गम्भीर विष्ट र सुरेन्द्र बसेलको कोरियोग्राफी छ ।