‘समर लभ’ को मर्मस्पर्शी गीत ‘गुनासो छैन’ सार्वजनिक

 

   काठमाडौं । चर्चित आख्यानकार सुविन भट्टराईद्वारा लिखित उपन्यास ‘समर लभ’ मा आधारित भएर निर्माण भएको फिल्म ‘समर लभ’ को मर्मस्पर्शी गीत सार्वजनिक भएको छ । फिल्म रिलिजको मुखमा रिलिज गरिएको ‘गुनासो छैन’ बोलको गीतमा गायक पुष्पन प्रधानको स्वर, शब्द र संगीत छ ।

गीतको भिडियोमा चल–अचल दृश्यहरु समावेश गरिएको छ । अभिनेता आशिष पिया उर्फ अतितको प्रेम पीडा गीतमा देखाइएको छ ।

यही शुक्रवारबाट प्रदर्शनका लागि तयार रहेको फिल्मलाई निर्देशक मुस्कान ढकालले निर्देशन गरेका हुन् । सुबिनको कथालाई सामीप्यराज तिमल्सेनाले पटकथामा ढालेका हुन् भने फिल्मको संवाद सुबिन र सामीप्य मिलेर लेखेका छन् । फिल्ममा खगेन्द्र श्रेष्ठ र इन्दु भण्डारी निर्माता रहेका छन् ।