‘भ्यालेन्टाइन डे’ विशेष: स्मिता र शानिध्यको 'भुर्र भुर्र भुर्र भुर्र बतासमा'

   काठमाडौं । फेब्रुअरी १४ अर्थात् भ्यालेन्टाइन डे विश्वभर यो दिनलाई सच्चा प्रेमको दिनको रुपमा मनाइन्छ। आजकै दिनलाई नै आधार मानेर पछिल्लो समय संसारभर धेरै साहित्य र संगीतको सिर्जना हुने गरेको छ।

प्रणय दिवसको अवसरमा नेपालमा पनि धेरै गीतहरु सार्वजनिक भए यी गीतहरु मध्यको एक हो यो मन उड्यो चरा बनी आकाशमा 'भुर्र भुर्र भुर्र भुर्र बतासमा'

भ्यालेन्टाइन डेको पूर्वसन्ध्यामा सशस्त्र प्रहरी बलका महानिरीक्षक एवम गीतकार शैलेन्द्र खनाल शरदको शब्द र संगीतकार गैरे सुरेशको कर्ण प्रिय संगीतमा रहेको साथै नेकपा अध्यक्ष प्रचण्डकी नातिनी स्मिता दाहाल र सशस्त्र प्रहरी महानिरीक्षक शैलेन्द्र खनालका छोरा शानिध्य खनालको स्वर रहेको 'भुर्र भुर्र भुर्र भुर्र बतासमा' गीत सार्वजनिक भएको छ ।

युवराज वाइबाको निर्देशनमा बनेको म्युजिक भिडियोमा श्री पाण्डे र जितेन श्रेष्ठको अभिनय छ । उत्सव दाहालको सिनेमटोग्राफी र बिकाश दाहालले सम्पादन गरेको भिडियोलाई ओएसआर डिजिटलको युट्युब च्यानलमा हेर्न सकिन्छ ।