‘साइनो’ को लोकलयको गीत सार्वजनिक (भडियो सहित)

  काठमाडौं । दशक अगाडिको सुपरहिट फिल्म ‘साइनो’ नाम सापटी लिएर निर्माण भएको फिल्म ‘साइनो’ को पहिलो लोकलयको गीत सार्वजनिक भएको छ । आउँदो १० गतेलाई प्रदर्शन मिति तय गर्दै सोमवार राजधानीमा एक कार्यक्रमका बीच निर्माण टिमले ‘मायालुलाई जात्रैमा भेटियो’ गीत सार्वजनिक गरेको हो ।

नेपालकी प्रथम नायिका भुवन चन्द थापाले यो फिल्मको निर्माण गरेकी हुन् । यसका निर्देशक रमेश थापा हुन् । त्रिकोणात्मक प्रेमकथामा आधारित हुने फिल्मको कार्यकारी निर्मातामा शरण थापा छन् । अभिमन्यू 'निरवी' ले फिल्मको कथा तयार पारेका हुन् । निर्देशक थापाले ‘साइनो’ मा लभस्टोरीसँगै देशमा प्रमुख समस्याको रुपमा रहेका विषयलाई उठाइएको बताए ।

आकर्षक सेटअप तयार पारेर खिचिएको गीतमा फिल्मका प्रमुख कलाकार राजकुमार र मिरुना मगर फिचर्ड छन् । बसन्त सापकोटाको संगीत रहेको गीतमा प्रताप दास र मेलिना राईको स्वर छ । चेतन कार्की गीतका सर्जक हुन् । गीतको भिडियोमा राज र मिरुनाले कोरियोग्राफर रामजी लामिछानेको डान्स स्टेप फलो गरेका छन् ।

यसमा नीता ढुंगाना, भुवन चन्द, मदनदास श्रेष्ठ, राजा राजेन्द्र पोखरेल, बसुन्धरा भुषाल, रोयदीप श्रेष्ठ, धमेन्द्र आचार्य, विशाल पहाडी, वसुकला मैनालीलगायतका कलाकारहरुको पनि अभिनय छ ।