पूर्व डन दिपक मनाङ्गे पक्राउ

  पोखरा । सांसद राजीव गुरुङ उर्फ दीपक मनाङ्गे पक्राउ परेका छन् । गण्डकी प्रदेशसभाका सदस्य गुरुङलाई आज जिल्ला प्रहरी कार्यालय कास्कीले पक्राउ गरेको हो ।

जिल्ला प्रशासन कार्यालयबाट पक्राउ पुर्जी जारी गरी गुरुङलाई आज पोखराबाट पक्राउ गरिएको कास्की प्रहरी प्रमुख एसपी दानबहादुर कार्कीले बताए । 

 एसपी कार्कीले मनाङ्गेलाई अनुसन्धान थालिएको जानकारी बताए । मंगलबार मनाङेबाट तीन मुक्का खाएका एन्फा कास्कीका अध्यक्ष मिलन गुरुङले कुटपिट तथा दुव्र्यवहार भएको भन्दै कास्की प्रहरीमा उजुरी दर्ता गराएका थिए ।

 गुरुङलाई पूर्व गुण्डा नाइके मनाङेले प्रतियोगिता स्थलमा मंगलबार हातपात गरेका थिए ।  

 आफ्नो जिल्ला मनाङबाट आएको टोलीलाई प्रतियोगिता सुरु हुनपुर्व देखीको होटलको व्यवस्थासँगै अभ्यासको लागि मैदान उपलव्ध नगराएको भन्ने विषयमा गाली गलैज गर्दै मनाङेले गुरुङलाई हातपात गरेका थिए । मनाङेले बिभिन्न संचारमध्यममा गर्वका साथ हातपात गरेको भनेका थिए।