रानीको राेमान्टिक ‘को हो त्यो’ सार्वजनिक

काठमाडौं । गायिका रानी शाक्यले आफ्नो नया“ गीतको म्युजिक भिडियो सार्वजनिक गरेकी छन । ‘को हो त्यो’ बोलको गीतको भिडियोलाई रोमान्टिक शैलीमा निर्माण गरिएको छ ।

गीतको भिडियामा एक युवतीले आफूलाई मनपर्ने मान्छेले सपनामा आएर सताएको र आफ्नो निद्रा चोरी लगेको वर्णन गरिएको छ । यस गीतमा शब्द गोविन्दप्रसाद उपाध्यायको रहेको छ । बिक्रम थापाले संगीत गरेको यस गीतलाई विशन मानन्धरले संगीत संयोजन गरेका हुन् ।

सुबल थापाले कोरियोग्राफी गरेको भिडियोमा एलिशा शर्मा र कमल सिंहको अभिनय रहेको छ । भिडियोमा नवराज उप्रेतीको छाया“कन र नविन निरौलाले सम्पादन गरेका हुन् । उक्त भिडियोलाई जीवन शाहीले निर्देशन गरेका छन् ।
हाल अमेरिका बस्दै आएकी गायिका शाक्य पेशाले चिकित्सक हुन् । यसअघि उनका ‘मेरो प्रियतम’, ‘ हरपल तिम्रो’, ‘यो वैशको मात’, ‘सुरुवात’, ‘पहिलो माया’, ‘कथा’लगायतका गीत श्रोतामाझ आइसकेका छन् ।

मधु क्षेत्री, ओम कर्माचार्य, न्ह्यू बज्राचार्य, बिक्रम थापाकलगायतका चर्चित संगीतकारको संगीतमा स्वर दिइसकेकी शाक्य अमेरिकामा रहेर पनि गीतसंगीतमा क्रियाशील छिन् । गायिका शाक्यले आफ्नो नयाँ म्युजिक भिडियोलाई माया गरिदिन श्रोता/दर्शकसँग आग्रह गरेकी छन् ।