चन्द्रगिरी नगरपालिकाले सम्पन्न गर्यो चित्रकला प्रतियोगिता

काठमार्डौ । 
चन्द्रागिरि नगरपालिकाले नगरस्तरीय बिघालयहरुको चित्रकला प्रतियोगिता सम्पन्न गरेको छ । नगरपालिकाले नगर भित्रका बिघालयहरुका बिधार्थीहरुको सहभागितामा ‘मलाई मनपर्ने पार्क’शिर्षकमा चित्रकला प्रतियोगिता आयोजना गरेको हो ।  चन्द्रगिरि स्थित शहिद स्मारक प्रतिष्ठान पार्क (त्रिभुवन पार्क) हातामा भएको  चित्रकला प्रतियोगिताको चन्द्रगिरि  थ्रि डी आर्ट म्युजियमले  संयोजन गरेको थियो ।

चन्द्रगिरि नगरापालिका शिक्षा तथा खेलकुद विभाग अन्तर्गत सम्पन्न चित्रकला प्रतियोगितामा चन्द्रागिरी नगरपालिकाभित्रका सामूदायिक तथा संस्थागत गरि  कक्षा १ देखि कक्षा ५ सम्मका ४० स्कुलका ४० जना विद्यार्थीहरुले  ‘मलाई मनपर्ने पार्क’शिर्षकमा चित्र कारेका थिए । नगरपालिका स्तरीय चित्रकला प्रतियोगिता कार्यक्रममा नगरपालिकाका प्रतिनिधिहरू तथा स्थानिय वडा लगाएतका  प्रतिनिधिहरूको समेत उपस्थिति रहेको नगरपालिकाका शिक्षा विभाग प्रमुख सुजन राज खनालले बताए । 

नगरपालिकाका प्रवक्ता कृष्ण खड्कीको प्रमुख अतिथ्यतमा सम्पन्न  नगरपालिका स्तरीय चित्रकला प्रतियोगिताको  अध्यक्षता सामाजिक विषय समितिका संयोजक घनश्यान लुँइटेलले गरेका थिए । कार्यक्रममा शिक्षा विभाग प्रमुख सुजनराज खनालले स्वागत मन्तव्य तथा कार्यक्रमबारे जानकारी दिएका थिए। । 

कार्यक्रम पश्चात् चन्द्रगिरि थ्रि डि आर्ट  म्युजियमले प्रतियोगी विद्यार्थीहरू तथा कार्यक्रममा उपस्थित शिक्षकहरुलाई थ्री डी आर्ट म्युजियमको निःशुल्क अवलोकन भ्रमण गराएका थिए। जसको संयोजन म्युजियमका सञ्चालक शिवराम गिरीले गरेका थिए । प्रतियोगीहरूलाई सहभागी एबम् उत्कृष्ठ बिधार्थीहरुलाई नगदसहित ट्रफी मेडल र प्रमाणपत्र प्रदान गरिएको थियो ।