कुमुदिनी कुञ्जका विद्यार्थीहरू चन्द्रागिरी थ्री डी म्युजियम पार्कको अवलोकनमा

काठमार्डौ । 
कुमुदिनी कुञ्ज माध्यमिक विद्यालयका शिक्षक तथा विद्यार्थीहरुले चन्द्रागिरी थ्री डी म्युजियम पार्कको अवलोकन भ्रमण गरेका छन् ।

विद्यालयको शिक्षिका शृष्टी सेनको नेतृत्वमा विद्यार्थी सहितको टोली बिहीबार चन्द्रागिरी नगरपालिकामा रहेको म्युजियम अवलोकनका लागि गएका थिए  । विद्यार्थीहरुसँग शिक्षिकाद्वय सेन र सुस्मिता खरेल सहभागी थिए । 

अवलोकन पश्चात् खरेलले म्युजियम निकै मनोरञ्जनात्मक रहेको र शैक्षिक भ्रमण निकै रमाइलो भएको प्रतिक्रिया दिइन् । विद्यार्थीहरू पनि म्युजियममा निकै उत्सुक बनेको र रमाइलो गरेको उनले बताइन् । 

म्युजियममा प्रवेश गरेपछि छुट्टै सन्सारमा पुगेको भान हुने समेत उनको भनाइ थियो ।