पर्सेप्सन मन्टेशरीका विद्यार्थीहरू चन्द्रागिरी थ्री डी म्युजियममा

चन्द्रागिरी,

पर्सेप्सन मन्टेशरीका शिक्षक तथा विद्यार्थीहरुले चन्द्रागिरी थ्री डी म्युजियम पार्कको अवलोकन भ्रमण गरेका छन् ।चन्द्रागिरी ६ महादेवस्थानमा रहेको यस स्कुलका नर्सरी ए, बि र सी कक्षाका विद्यार्थीहरूले मंगलबार चन्द्रागिरी नगरपालिकामा रहेको चन्द्रागिरी थ्री डी आर्ट म्युजियमको शैक्षिक भ्रमण गरेका हुन् । 

विद्यालयकी शिक्षिका निरु महर्जनको नेतृत्वमा गएको विद्यार्थीहरूको समूहले म्युजियममा शैक्षिक भ्रमण गरेको हो । भ्रमण टोलीमा शिक्षिकाहरू महर्जन, रस्ना श्रेष्ठ, पार्वती दाहाल समेत सहभागी भएका थिए । थ्री डी आर्ट म्युजियममा उनीहरूले बिशेष रुपमा मनोरन्जन एबम् ज्ञानका लागि तयार पारिएका चित्रकलाका बारेमा जानकारी समेत लिएका थिए । 

अवलोकन पश्चात् महर्जनले म्युजियमको अवलोकन गर्न पाउँदा विद्यार्थीहरू र आफू निकै खुशी भएको बताइन् ।  उनले म्युजियम निकै कलात्मक रहेको र अवलोकन भ्रमण गर्दा निकै आनन्द आएको बताइन् । उनले यो भ्रमण सोचेको भन्दा धेरै नै रमाइलो भएको समेत बताइन् ।