राजाराम जोशीको भक्ति र सेवाको जन्मदिन विशेष : भक्तपुरमा एकल महिलालाई कम्बल वितरण

भक्तपुर, 
भवानी जोशी सेवा फाउन्डेसनका संस्थापक अध्यक्ष राजाराम जोशीले आफ्नो जन्मदिन विशेष कार्यक्रमको रूपमा भक्तपुरका १५ जना एकल महिलालाई कम्बल वितरण गरेका छन्। आज बिशेष समारोहका बिच भक्तपुर एकल महिला समुह समन्वंय समितिको आयोजनामा भवानी जोशी सेवा फाउन्डेसनले भक्तपुरको पबित्र धार्मिक स्थल  सूर्यविनायकको डोलेश्वर मन्दिर परिसरमा बिशेष पुजा आराधना सहित जन्मोत्सब समारोह कार्यक्रम गर्दै न्यानो कम्बल बितरण गरेको हो ।  

सूर्यविनायक नगरपालिका वडा नं. ८ का वडा अध्यक्ष पुष्पराज बस्नेतको प्रमुख आतिथ्यता एबम् भक्तपुर एकल महिला समन्वंय समितिका अध्यक्ष खड्ग कुमारी बजगाई लगाएतको उपस्थितीमा सम्पन्न कार्यक्रममा डोलेश्वर मन्दिर संरक्षण समितिका अध्यक्ष धर्मराज बस्नेत लगाएत समिति सदस्यहरु एबम् जोशीका परिबारका सदस्यहरुको समेत सहभागिता रहेको थियो ।  

दिपा अधिकारीले संचालन गरेको कार्यक्रममा फाउन्डेसनका अध्यक्ष जोशीले आफ्नो व्यक्तिगत उत्सवलाई समाजसेवामा रूपान्तरण गर्दै एकल महिलाहरूको लागि सहयोग र सम्मानको भावना व्यक्त गरेका थिए । 

त्यस्तै कार्यक्रममा सम्बोधन गर्दै प्रमुख अतिथि बस्नेतले सामाजिक कार्यमा योगदान पुर्‍याउँदै जोशीले आफ्नो जन्मदिनलाई प्रेरणादायक बनाउनुभएकोमा उहाँको प्रसंशा व्यक्त गर्दै यस्ता सामाजिक कदमले समाजमा सेवाभावको महत्त्व झल्काएको समेत बताए । 

कार्यक्रमको संयोजन  सडक मानवहरूको सेवा र सहयोगमा समर्पित  सामाजिक संस्था मानव सेवा घरले गरेको थियो।