बेष्ट एकेडेमीका विद्यार्थीहरू चन्द्रागिरी थ्री डी म्युजियम पार्कको अवलोकन भ्रमणमा

काठमाडौ ।
बेष्ट एकेडेमीका शिक्षक तथा विद्यार्थीहरुले चन्द्रागिरी थ्री डी म्युजियम पार्कको अवलोकन भ्रमण गरेका छन् ।

बिहीबार शिक्षिका उषा गिरीको नेतृत्वमा गएको शिक्षक तथा विद्यार्थीको समूहले चन्द्रागिरी नगरपालिकामा रहेको चन्द्रागिरी थ्री डी आर्ट म्युजियमको शैक्षिक भ्रमण गरेका हुन्  । 

विद्यालयकी शिक्षिका गिरीले भ्रमणका क्रममा विद्यार्थीहरूले निकै नै उत्सुकताका साथ जानकारी लिएको र तस्वीरहरू खिचाउँदै मनोरञ्जन लिएको बताइन् । उनले त्यहाँ विद्यार्थीहरूले धेरै नै सिक्ने अवसर पाएको प्रतिक्रिया दिइन् ।  

भ्रमण टोलीमा शिक्षिकाहरू गिरी, सिम्रन श्रेष्ठ, सुजना गिरी, प्रभा श्रेष्ठ लगायत थिए । उनीहरूका साथमा एकेडेमीका विद्यार्थीहरूले म्युजियमको अवलोकन गरेका हुन् ।