भेनस ब्राइट मन्टेश्वरी किण्डरगार्टेनका विद्यार्थीहरूले अवलोकन गरे चन्द्रागिरी थ्री डी म्युजियम

काठमाडौ ।

भेनस ब्राइट मन्टेश्वरी किण्डरगार्टेनका शिक्षक तथा विद्यार्थीहरुले चन्द्रागिरी थ्री डी म्युजियमको अवलोकन भ्रमण गरेका छन् ।

नयाँ बानेश्वरमा रहेको यस स्कुलका शिक्षक तथा विद्यार्थीहरूले चन्द्रागिरी नगरपालिकामा रहेको चन्द्रागिरी थ्री डी आर्ट म्युजियमको शैक्षिक भ्रमण गरेका हुन् । 

मन्टेश्वरीकी शिक्षिका विवेचना विष्टको नेतृत्वमा गएको शिक्षक तथा विद्यार्थीहरूको समूहले मंगलबार म्युजियम भ्रमण गरेको हो । म्युजियममा धेरै नयाँ कुरा देख्न पाइएको र थ्रीडी आर्टलाई नजिकबाट बुझ्ने अवसर मिलेको शिक्षिका विष्टले बताइन् । उनले विद्यार्थीहरूले म्युजियममा निकै मनोरञ्जन गरेको समेत प्रतिक्रिया दिइन् ।

भ्रमण टोलीमा विष्टसँगै जयन्ती चालिसे, गंगा गुरुधामी, संगीता कोइराला, लामु शेर्पा, विमला गुरुङ लगायत सहभागी थिए ।